دل انسان کا دھول کو صاف کرنے کا کپڑا 

(راست)     

انا کی سزا کچھ نہیں مگر انا خود ہے۔ انا

(راست)

پہلے الجھن تھی کہ محبت ہے کہ نہیں

اب یا الجھن ہے کہ اسے محبت ہے کہ نہیں

(راست)

معصومیت پہلی محبت کا وصف ہے دوسری محبت چالاک ہوتی ہے

(راست)

خود پسندی ، خود غرضی کی پہلی سیڑھی ہے۔ 

(راست)

 کبھی کبھی انسان کو یہ خیال آتا ہے کہ

 اگر وہ اپنے محبوب کی پرچھائی بن جائے تو شاید اسے 

وہ قربت اور لمحات میسر آ سکیں جن میں خالص خوشی کا تجربہ ہو۔ 

مگر پرچھائی بنتے بنتے، وہ اپنے وجود کو اس حد تک مٹا دیتا ہے کہ

 خود کو چراغ تلے اندھیرا بنا لیتا ہے

جہاں زندگی کی بجائے موت کا سا احساس ہوتا ہے

(راست)

 ہم کتنے ہی عقل مند ،تجربہ کار اور عمر رسیدہ ہو جائیں

 مگر محبت ہمیں بے عقل ،اناڑی اور بچہ بنا ہی دیتی ہے

 (راست)

 لوگ مایوسی سے نہیں مرتے، مگر امید کی تھکن انہیں مار دیتی ہے

(راست)

 ظاہری شکل اور اندر کے جذبات میں ہم آہنگی نہ ہو تو آپ لوگوں کے لیے

 غیر اہم یا ایک مذاق ہی رہتے ہیں

 (راست)

 وقت سے زخم تو بھر جاتے ہیں مگر ان زخموں کی درد کی شدت

 انسان صرف تب بھولتا ہے جب منزل پر پہنچ جاتا ہے

(راست)

 عزت نفس بھی عجیب شے ہے

  اچھے بھلے عاشق کو آئینہ دکھا دیتی ہے

(راست ) 

میدان ناہوت 

کبھی کبھار یوں ہوتا ہے کہ نہ جنت لبھاتی ہے، نہ دوزخ ڈراتی ہے

نہ کمال کی چاہ باقی رہتی ہے، نہ فرار کا خواب 

بس دل ایک ٹھہری ہوئی خاموشی مانگتا ہے

ایسی خاموشی جہاں روح  سکون کا سانس لے سکے۔

 پانی آنکھ سے بہہ کر حلق میں اتر آیا ہے