دل میں تجھے رکھ لیا،اک خیال فرض کر کے 

  پھر صدقہ کیا روز،امداد قرض کر کے 

(راست)

 خدا کہاں رہتا ہے ؟

ٹوٹے ہوئے دل میں جب صبر کی پنیری پوٹنےلگے تو وہ روشنی جس کے نتیجے میں یہ آبیاری وقوع پذیر ہوئی ہے خدا اس میں ہی شاید کہیں رہتا ہے۔ مگر شرط یہ بھی ہے کہ ٹوٹا ہوا دل اپنے اصل سے واقف ہو۔

(راست)

شام غریباں 

ہاتھ ماتم میں سبھی بلند ہو گئے

سادات کے خیموں میں جب آگ کے پیوند ہو گئے 

امامت کو جب زینب(ع) نے پشت پہ سوار کرلیا 

دشمن کو گماں ہوا، عباس(ع) پھر بقید حیات ہو گئے

ڈھونڈتی رہی سکینہ(ع) دشت میں حسین(ع) کو

مقتل تلک ائی تو، زخمی کان ہو گئے 

دو قمیض لئےاصغر(ع) کے، نکلی جب خیموں سے رباب(ع) 

لوٹنے کو انہیں قافلے تیار ہو گئے 

پڑھ کے مصائب محمدﷺ  کی آل کے، اے راست 

پیٹا میں نےاپنا چہرہ، پر تیرےگال کیوں لال ہو گئے؟

(راست)

 عیاں صاف میری آنکھوں سے انتظار تھا

پھر بھی راہی نے خبر دی تیری ، بڑی دیر کے بعد 

راست 

محبت کے نام 

 واقف کب کوئی میرے نام سے ہے

 عاشق مجنون ہوں، ساری پہچان، تیرے نام سے ہے

 محفل ذکر تو ہی رہا رات بھر 

نہ رہا رقیب کوئی، مطلب سبھی، کو تیرے کلام سے ہے

 تو جو چلے تو ہتھیلیاں رکھوں تیرے قدموں تلے 

انکار کب مجھے اس کام سے ہے؟

پھیلی رہی روشنی تیرے ورد ذکر سے

نہ رہا بلبل کو بھی اب،  ڈر شام سے ہے 

فکر وصل سے آزاد ہوں میں اب راست 

کہانی یہ محبت کے نام ، بن انجام سے ہے

(راست)

 شعر ان کی آنکھوں سے ڈائری تلک آگیا تھا 

بد ذوق دل میرا ، شاعری تلک آگیا تھا 

(راست)

 محبت اگر کسی کو دے دی جائے

اور اس کے بدلے میں اگر محبت نا ملے تو اس کا کوئی ریفنڈ نہیں۔

(راست)

(راست) 

کیڑا اب میری قبر میں کیا کھائے گا

اس پہلے ہی عشق کھا گیا تھا مجھے

(راست)

 مجھے رات بھر میں مرنا تھا

مگر جنوں طلب کا شام میں ہی بھر گیا

(راست)

 بچپن کے دن

بارش کے نیلے رنگ میں بھرے خواب گلابی تھے

میرے بچپن کے دن میرے جیسے تھے

فکر سے پرے، الجھن میں پڑے

کچھ کام نوابی تھے

حقیقت سے دور مگر قدرت کے قرب مکاں تھے

میرے سوچ کے زاویے کب مجھ پہ عیاں تھے

رات میں اڑتی پریوں کے سپنے جواں تھے

اضطراب سے خالی سبھی دن جاوداں تھے

ہرکھیل میں سو تماشے تھے

میرے بچپن کے دن تھوڑے دن کیوں باقی تھے؟

(راست)

 عشق ممنوع کی طلب 

شیطان کی ایک چال ہے 

(راست)

جل جانا بھی منظور ہے مجھے

یہ عشق کی آگ کسی کام تو آئے

(راست)

پہلے ہم عشق میں ڈر گئے

پھر مروت میں مر گئے

(راست)

ورنہ آنکھوں دیکھا زہر پینا بڑی بےایمانی ہے

(راست)

عشق جنوں ہے

اور تم جنوں میں کیسے بہک گئے

(راست)